Ziangruang ah “Laizo Tlangkulh” kan ti?

By /

Veikhat cu ca-uk suah (print out) ding in carialnak (Off set) neitu hnenah ka feh. Ka ca-uk suah tummi cu a vun zo ih a phaw (cover) ah “Laizo Tlangkulh” ti ih nganmi a vun hmu! “Laizo Tlangtluan” ti in ngan aw tiah in ti. A theifiang lo nasa! Aih! Laizo Tlangkulh hun si rori ah ziangtisaw “Tlangtluan” tin kan ngan thiam pei ka ti. A vun zoh sal ih “Ziangah saw Laizo Tlangkulh” tiah nan ti, tiah in sut? Vanṭhat ah, “ka lo simfiang ding” tiah ka ti ih thungai thlak in ka sim ciamco pan lo maw.

Tuihsun ni tiang kanmah lak khal ah “Ziang ruangah ‘Laizo Tlangkulh’ kan tinak a san theihfiang lo kan tam lai men thei! Theihfiang ṭha le theihfiang tengteng ding a si ti ka ruat! Hmun dang le ram dang ih thleng kan tam phah thlang ih kan Laizo nungphung le ṭong hi thlauthla lo ten kan fingkhawi cio vingvo a ṭul sinsin. Ahleice in kan thu hminsak daan, kan ram hmin, ka tiva hmin, le kan tlang hmin a zate ih kan cinken thei lo hmanah a tlangpi tal ih kan theih le simhfiangawk a ṭha zet in ka thei. Ṭha na ti ve ka ring!

Laizo Tlangkulh ti hi kan kawhnak san cu Laizo ti ih kan kawh mi sungah Khua pasarih (7): Laizo, Zalai, K.Hmunpi, Kalrawn, N. Thanthniar, S. Thanhniar le Baila ti in kan um ih cuih khua pawl cu “Tlang” ih a kulh mi hmun ah kan um. Tlang pathum in a kulh ruangah “tlangkulh” tiah kan rak kawh nak san a si. Cuih tlang pathum pawl cu: Khawlu lam ah Sosawn tlang a um, Khawsir lam ah Zaivawr tlang le Farpaak tlang an um. Hih tlang pathum pawl cu an peh-aw thluh kan ti le a sual lo ding. Laizo khua (khaw hlun) ihsin khua kan thlir le tlang ih a kulh zia fiangten kan hmu sinsin thei a si.

Danglam hleice zet in Pathian ih a serisammi “Laizo Tlangkulh” ah kan um.

Tlang hmin pawl

1. Sosawn Tlaang

2. Zaivawr Tlaang

3. Farpaak Tlaang

Lopil Sungih Ram Hmin Pawl

  1. Aakbu
  2. Aitaam
  3. Bungkhaang
  4. Bungkhum
  5. Cawlairel
  6. Ceu-ai
  7. Haite
  8. Haite (Tuu)
  9. Hmawngtlang
  10. Hohling
  11. Hriangkhaan
  12. Kaicaat
  13. Khawraang
  14. Khuangti
  15. Khuangtum
  16. Kore
  17. Kuamlak
  18. Leivih
  19. Lungding
  20. Lungme
  21. Lungri
  22. Lungsen
  23. Lungsuum
  1. Meingan
  2. Mucuan
  3. Ngaubaan
  4. Nimtlak
  5. Paamrelh
  6.  Pawleng
  7. Sawnsang
  8. Secen
  9. Siarthlang
  10. Suangzaang
  11.  Sunhlubual
  12. Suumphun
  13.  Thungtheu
  14.  Tlangva
  15. Tuupi
  16. Ṭhawnglun (Tuu)
  17.  Ṭhuangcawi
  18.  Ṭingzau
  19.  Umriit
  20. Vasiar
  21. Vathuuk
  22.  Zaṭum

Tiva hmin pawl

1. Secen va

2. Sawnhlawng va

3. Taihnok Lo va

4. Sothlam va

5. Mangtling khan va (Raise va)

6. Zaṭum va

7. Nauthluak va (Lungme va)

8. Lungkah va

9. Tipi va

10. Haikawgawl va

11. Darreng va

12. Fanglaam va

13. Tinga va

14. Khaw hnakhlun (tilehnak) tinga va thotho

Hminsin tlak hmun

1. Ṭhawng thlabih (tili fate)

2. Darthlak Khua

3. Fangcibor

4. Lungpi Lungkhua

Scroll to Top